Duniya mein ek se badhkar ek ajube hai. Ab tak aapne 12 ankh wali ghadiyan (watches) hi dekhi hogi. Lekin duniya mein ek aisi anokhi ghadi (most unique watch) bhi hai, jisme kabhi 12 nahi bajte hai. Jaaniye kya hai iss ghadi ke peeche ka raaz.
Aamtaur par hamare desh mein 12 bajna asubh mana jata hai. Udas chehra dekhkar bhi aksar log yeh kehte hain ki chehre par 12 kyun baj rahe hain. Lekin kya aapne kisi aisi ghadi (Most unique Watch) ke bare mein suna hai, jismein kabhi 12 nahi bajte hain? Aap jaankar hairaan honge ki duniya mein ek aisi bhi ghadi hai, jismein kabhi 12 nahi bajte hain. Iske peeche ki wajah bhi aapko chonka dengi.
Ghadi se 12 ank gayab
Yeh anokhi ghadi Switzerland ke Solothurn shahar mein hai. Is shahar mein town square par ek ghadi (A Clock on Town Square) lagi hai. Is ghadi mein ghante ke sirf 11 ank hi hain. Usme se number 12 gayab hai. Vaise yahan par aur bhi kayi ghadiyan hain, jinmein 12 nahi bajte.
The city mein church aur chapelon ki sankhya 11-11 hi hai
Is shehar ki sabse badi visheshata hai ki yahan ke logon ko 11 number kaafi pasand hai. Itna hi nahin, yahan jo bhi cheezen hain, unka design 11 number ke aas-paas hi ghoomta rehta hai. Aap jaankar dang rah jayenge ki is shehar mein church aur chapelon ki sankhya 11-11 hi hai. Iske alawa sangrahaalay, aitihaasik jharane aur tower bhi 11 number ke hain. Saint Ursus ke mukhya church mein bhi 11 number ka mahatva aapko saaf dikhega. Aapko bata den ki yah church bhi 11 saal mein hi bankar taiyar hua tha. Yahan teen seedhiyon ka set hai aur har set mein 11 panktiyan hain. Iske alawa yahan 11 darwaje aur 11 ghantiyan bhi hain.
11th janamdin bhi hota hai khaas
yahan ke logon ko 11 number itna pasand hai ki ve apne 11th janamdin ko behad khaas tareeke se celebrate karte hain. Is avsar par diye jaane wale gift bhi 11 number se hi jude hote hain. Yahan ke logon ke beech 11 number shubh mana jaata hai.